السلام عليكم ورحمة الله وبركاته
طبعا الكل يحب يكون موبايلة قريب منه في مكان جلوسة ...
وانا اما في المطبخ او عن الكمبيوتر فاحتاج احط موبايلي معاي وطبعا ما بخليه على الطاولة يباله مكان خاص عشان ما يطيح وما يخترب ولا يلعبون فيه عيالي ...
ومن فترة سويت حامل لموبايل زوجي بس للاسف ما خذاه لانه يستحي يحطه بالسيارة ... طبعا ما الومه لان بنوتي خخخخخخخ وانا ما انتبهت له الا بعد ما خلصت ومره وحدة انا عجبني وخذت لنفسي ... وزوجي المسكين ما سويت له حامل ثاني ...
المهم اعرض عليكم الصور
وهني انا حاطتنه على طاولة الكمبيوتر ومسويه له تعليقه عشان يكون مرتب
وطبعا الشغل من الشبك البلاستيك
وهذا الحامل الثاني سويته للمطبخ عشان اذا رن الموبايل يكون قريب مني ... وسويته بالديكوباج
المهم هذي الخطوات :
يبت كرتون مستطيله وسويتها على شكل هرم مثلث ولصقتها بالشريط الاسق من فوق مثل ما انتوا شايفين ، ومهم يكون جانب اطول من الثاني يعني لو يشكل مثلث قائم الزاوية يكون افضل
وقصيت وسط الكرتونة على حسب قياس الموبايل ويكون اوسع بشويه .. وفوق وتحت من نقصهم
وبعدها نزينه بالديكوباج ، أو جلاد اذا ما كان عندكم المناديل المناسبة
الثلاثاء يونيو 17, 2008 5:27 am